Ua mafai nei ona faailoa e faitau afe tagata Afghanistan na aga’i atu i le UK i lalo o se faiga faalilolilo ina ua mae’a ona liki atu faamatalaga e faatatau ia i latou.
O Fepuari 2022 o loo ta’ua ai e le BBC na liki ai ia faamatalaga o tagata e toeitiiti 19 afe na talosaga e faimalaga atu e aumau i le UK i le mae’a ona tula’i mai le Taliban e pulea Afghanistan.
Fai mai na silafia e le faigamalo i le taimi lea le tulaga e pei ona lipotia o le liki o faamatalaga o tagata ia Aokuso 2023 ina ua vaaia nisi o ia faamaumauga i luga o le facebook.
O se faiga fou la o le settlement scheme mo i latou na liki faamatalaga na faatūina i le 9 masina mulimuli ane ma vaaia ai le taunuu ane o le tusa ma le 4,500 o tagata Afghanistan i le UK.
Ua faailoa i le lipoti o faamatalaga na liki e aofia ai igoa, faamatalaga tau fesoota’iga aemaise faamatalaga e faatatau i aiga ma ua ta’ua ua tapunia le scheme lea ae ua iai ofa ua tuuina atu i tagata o loo aumau pea i Afghanistan ina ia o latou tausia.
O le polokalame lea sa faaigoa o le Afghan Relocation Route e fai si tele o tupe na faaalu ai ma ua faatoese foi le ofisa sa feagai ma le teuina malu o faamatalaga o ia tagata, ona o le faaletonu ua tula’i mai.
Puna o Faamatalaga: https://www.bbc.com/news/articles/cvg8zy78787o
