Fai mai ua faatonuina nei e le Taliban le faaaogāina o le initaneti i le itu i Mātū o Afghanistan ina ia faamuta ai nisi o gaioiga lē manuia e pei ona faamatala ane e faigāmalo faaitumalo.
O le Islamist movement sa faaleo o latou popolega i le taimi ua sola i ata lē manuia ma uiga faaalia o faigāuō ma feoa’iga a alii ma tama’ita’i i luga o upega tafa’ilagi.
E lipotia o le taimi muamua lea ua faia ai se sā faapea talu ona pulea e le Taliban Afghanistan i le 2021.
E lima itumalo o loo aofia uma i lalo o le sā lea e aofia ai Kunduz, Badakhshan, Baghlan, Takhar ma Balkh i le itu i Mātū o le atunuu ma o loo aga’i sa’o le sā i le faaaogāina o le initaneti e ala i le fiber optic cable ae o loo avanoa pea le faaaogāina o le initaneti i telefoni feavea’i ma data a le tagata lava ia e faaaogā pe a mana’omia i se māfua’aga tatau.
O sā a le Taliban i tama’ita’i lea e faatapulaa ai le faailoaina o o latou manatu ua matua’i faitioina ai e kulupu tau aiā tatau ma nisi faigāmalo a atunuu i fafo.
Puna o Faamatalaga: https://edition.cnn.com/2025/09/17/middleeast/northern-afghanistan-taliban-internet-ban-intl-hnk
