O le Palemia tausi o le malo o Samoa le afioga Fiame Naomi Mataafa, o le saunoaga aami lea na tatala ai le fonotaga a tinā o atunuu o le Pasefika o loo avea ma ta’ita’i i tautua ma auaunaga eseese, lea sa usuia i Fiti i le vaiaso nei.
Ua faailoa i se pepa o faamatalaga o le valaaulia ai o le ulua’i Palemia tama’ita’i o le malo o Samoa e na te faia le saunoaga autū e tatala ai lea faatasiga a tinā o le Pasefika, o se faaaloalo e amana’ia ai le sao o le Palemia o Samoa i soo se taumafaiga tau i le una’ia o le tulaga o le avea o tinā ma tama’ita’i i pulega ma tonufai o se vaega tāua i le avea o i latou ma ta’ita’i.
O lea fonotaga sa talanoaina ai nisi o matāupu tāua e pei o upufai o malo, o faiga faavaega faaupufai, ma isi auaunaga e mana’omia ai le sao o tinā ma tama’ita’i.
O le faai’uga o lenei vaiaso e toe taliu mai ai i fanua le lātō i le ea o le afioga i le tama’ita’i Palemia o le malo tausi.
