Na taofia mo sina taimi faigamalaga a vaalele i le malaevaalele I Aukilani ona o le faalavelave o le drone

O le afiafi o le Aso Lua lea na vaaia ai se tasi o pailate le drone e tusa ma le 30 mita le mamao ma le vaalele, tusa lea o le itula e 5 I le afiafi

Na aafia ai ma faigamalaga a vaalele feoai I totonu o Niu Sila faapea faavaomalo ona o le faaeteetega ina nei aafia ai vaa a’o I luga o le vanimonimo faapea le saogalemu

O lea ua faailoa e le faaulu o le Airways Niu Sila ua faaoo atu nei lea mataupu I leoleo, ma I totonu o le tausaga ua faamauina ua oo atu I le 21 drones faalavelave I alavaa

Lua vaiaso talu ai na taua mai ai foi le faalavelave o se laser pointer ao taumafai se tasi o vaa a le Ea Niu Sila e tulaueleele I Whangarei, ma o lea laser e faapea na faga atu latalata I Whangarei Heads

Ua toe sau ai ma faamanatu I le mamalu o le atunuu I le matautia o faalavelave e ono tulai mai ona o drones ma lasers