O le lisi o suafa o sui faatutū ua mae’a lesitala mo le faigāpalota tele a le atunuu o loo loma nei, e lē o faailoaina ai vaega faaupufai mo sui tauva faapea ma sui ua lesitala o le a tauva faatuto’atasi.

Ua faailoa e le Komesina o faigāpalota e faato’ā faailoa tulaga uma ia i le lisi mulimuli pe a mae’a iloilo e le faamasinoga ni talosaga e faasino i agavaa o sui faatutū.

A o tālia lea lisi mulimuli o lea ua faailoa e le Komesina o faigāpalota i le vaega faasalalau o le Talamua le aofa’iga o sui faatutū ma vaega faaupufai e tauva ai, e aofia ai le ‘autauva faatuto’atasi e 44.

O le vaega e puipuia aiā tatau a tagata e 52 o latou sui faatutū, Faatuatua i le Atua  Samoa ua Tasi e 61, Samoa ua Potopoto e 26, Samoa Labour Party e 6 sui faatutū, ta’itasi sui tauva o patī faaupufai o le Tumua ma Pule Reform Republican party ma le Samoa Democratic Republican Party.