3 cases maua I tua I le komiuniti a Aukilani, suia ai ma alert levels

Ua toe oo Aukilani I le alert level 3, a’o isi uma vaega o Niu Sila I le level lona 2

O le toe suia o alert levels mo Aukilani na amata mai lea I le toe tasi le minute I le 12 o le vaeluaga anapo, ma ua mafua lea I cases e 3 ua faamaonia I tua I le komiuniti

O I latou ua aafia o le tama, tina ma le afafine mai le aiga e tasi I Papatoetoe I saute o Aukilani

O le tina o lea aiga e faigaluega I le LSG Sky Chefs I Magele, poo le nofoaga o loo gasesea taumafataga a vaalele faapea le faia o tagamea

E faapea o le aso 18 o Ianuari na faia ai lona siaki I le fale faigaluega ma na sau e negative. Ui I lea e le I malosi atoatoa, ma o le aso 5 o Fepuari le aso mulimuli na faigaluega ai

O le alo tamaitai ua maua foi I le Koviti e aoga I le Papatoetoe High School, ma o loo tapunia I le aso faapea a taeao lea aoga, ae tatala ai I le aso mo na o siaki o le Koviti

O le tama o lea aiga o se tasi e faia lava lana pisinisi, ma o loo faatalanoa nei nofoaga na ia asia

O le toalua o I latou nei na asiasi atu I New Plymouth I le aso 6 I le aso 7 o Fepuari, ma e le o mautinoa pe na aafia i lea taimi

O le aso Faraile o le vaiaso talu ai na asia ai foi e tagata e toalua o le toatolu ua faamaonia le supamaketi a le Pak n Save I Manukau ma e tusa ma le 10 minute le umi na iai

O le popolega tele ua iai nei I cases nei e tolu, o le le mautonu poo fea lea na maua mai ai

O tapu o loo sau ma le alert level lona 3 ua iai Aukilani mo le tolu aso, ua fautuaina ai tagata e nonofo I le fale, ma faigaluega atu I le fale pe a mafai, ma aoga uma e aofia ai ma aoga amata o loo tatalaina mo na o fanau a tagata ua taua o essential workers

O le aso ua toe tapunia ai ma nofoaga lautele e aofia ai, faletusi, fale tifaga, food courts, fale taalo, playground, maketi faapea ma pools

Ua toe faamalosia foi le tatau ona usitaia ma nonofo I totonu o lou afuafu, ma o sauniga uma e aofia ai maliu ma faaipoipoga o loo faatapulaa I le na o le 10 tagata, peitai o loo fautuaina e le tamaitai palemia, Jacinda Ardern a mafai ona toe tolopo ona faia lea Ese mai ia Aukilani, o loo mafai pea ona tatala aoga ma pisinisi I le aso I isi vaega uma o Niu Sila, ae e tatau ona usitaia le social distancing faapea le tumama

E le gafatia e tagata faimalaga mai le Pasefika ona o I Queenstown, tusa lava pe tatala iai tuaoi o Niu Sila O saunoaga nei …

Green MP Ricardo Menéndez March

Ua fesiligia nei faiga tutusa na talia ai le visa tafao o le paaga a le faipule Green, Ricardo Menedez March I totonu o le …

Ua talosagaina nei le faamuamua o le faia o tui mo Aukilani I Saute O lea ua tutu faatasi fomai ma le komiuniti o le …

NZ police

Ua faia suesuega I le tama na fanaina e leoleo I Papatoetoe, Aukilani anapo Latalata I le 6 I le afiafi na valaau ane leoleo …

Quarantine-free travel for New Zealanders into Queensland revoked

Ua toe vave aveese e Kuiniselani le saolotoga o tagata Kiwi taunuu atu I le setete O le ta o le 9 taimi Niu Sila …

Ua toe faataga mai e Ausetalia tagata Niu Sila taunuu atu e o sa’o I aiga e aunoa ma le tau faanofoesea O le aso …

Melbourne Covid-19

O le a faamaea lava le lockdown poo le vavao a Vitoria e pei ona faatulaga I le po ananei. O lea ua faamaonia mai …

Ua folafola manino mai ele Iuni a Europa o le a o latou le polokaina pe faalavelave foi I le aumaia o tuipuipui o le …

Keep uptodate with Radio Samoa activity & promotion

* indicates required