28 tagi faaulu faasaga i faatosina o le faigapalota

O le aso a taeao Aso 4 o Me lea o le a amatalia ai le valaauina o mataupu e ala i tagi e 28 tagi o faatosina o le palota ua tuuina atu I luma o le Faamasinoga maualuga faasaga I le faigapalota a Samoa.

I se pepa o faamatalaga mai le sui Lesitala a le faamasinoga na faamaonia ai nei tagi.
O le vaiaso nei lea e amata ai ona tatala le avanoa mo le 5 aso faigaluega e tuuina atu ai ni tagi o tuuaiga o faatosina o solitulafono o sui tauva ua tuuaia I mataupu e 28 ua I luma o le faamasinoga.

Mataupu nei e 28 ua tuu atu I luma o le faamasinoga

•    Vaimauga No. 1 – tuu atu le a le sui o le HRPP ia Fuatimau Maumea Leniu faasaga I le sui tauva manumalo o lea lava vaega faaupufai ia Sulamanaia Tauiliili Tuivasa.
•    Vaimauga No. 3 – tuu atu le tagi a le sui o le FAST ia Ve’a Tauia Faatasi Puleiata faasaga I le sui tauva manumalo a le HRPP ia Papalii Niko Lee Hang
•    Faleata No. 1 – tuu atu le tagi a le sui o le HRPP ia Salausa Jonh Ah Ching faasaga I le sui tauva manumalo FAST, le tofā Manuleleua Paletasala Tovale
•    Sagaga No. 1 – tuu atu le tagi a le sui o le FAST ia Papalii Tavita Moala faasaga I le sui tauva manumalo a le HRPP le afioga ia Loau Solamalemalo Keneti Sio
•    Sagaga No. 2 – tuu atu le tagi a le sui tutoatasi a le HRPP Mauala Patelesio Ah Him faasaga I le sui tauva manumalo a le lea lava vaega faaupufai ia Seiuli Ueligitone Seiuli
•    Sagaga No. 4 – tuu atu le tagi a le sui o le FAST Tagaloatele Poloa faasaga I le sui tuava manumalo a le HRPP ia Tuisā Tulimasealii Tasi Patea
•    Aana Alofi No. 1 – tuu atu le tagi a le sui tauva a le HRPP ia Taueva Faafouina Mūpo Sauvao faasaga I le sui tauva manumalo a le FAST ia Fesolai Apulu Tusiupu Tuigamala
•    Aana Alofi No. 2 – tuu atu le tagi a le sui tauva Tamaitai a le FAST ia Lolomatauama Eseta Faalata Mataituli faasaga I le sui tauva manumalo a le HRPP ia Aiono Afaese Toleafoa
•    Aana Alofi No. 3 – tuu atu le tagi a le sui tauva tutoatasi a le HRPP ia Ili Setefano Taateo Tafili, faasaga I le sui tauva manumalo a le FAST ia Agaseata Tanuvasa Peto
•    Aana Alofi No. 4 – tuu atu le tagi a le sui a le HRPP ia Afamasaga Toelesulusulu Lepuia’i Rico Tupai faasaga I le sui tauva manumalo a le FAST le afioga Toelesulusulu Cedric Pōsē Salesa Schuster
•    Aiga i le Tai – tuu atu le tagi a le sui o le HRPP ia Ifopo Mātia Filisi Jahnke faasaga I le sui tauva manumalo a le FAST ia Auapaau Mulipola Aloitafua
•    Falelatai ma Samatau – tuu atu le tagi a le sui o le FAST Pa’u Roy Ausage faasaga I le sui tauva manumalo a le HRPP Lupematasila Galumalemana Tologata Tile Lei’a
•    Lefaga ma Faleaseela – tuu atu le tagi a le sui o le HRPP Su’a Tanielu Su’a faasaga I le sui tauva manumalo a le FAST Masinalupe Makesi Masinalupe
•    Safata No. 1 – tuu atu le tagi a le sui o le FAST ia Afemata Palusalue Faapo faasaga I le sui tauva manumalo a le HRPP Le’ana Roni Posini
•    Safata No. 2 – tuu ati le tagi a le sui o le FAST ia Laumatiamanu Mathew Ringo Purcell faasaga I le sui tauva manumalo a le HRPP ia Nonu Te’o Lomialagi Lose Niumata
•    Siumu – tuu atu le tagi a le sui o le HRPP ia Tuuu Amaramo Sialaoa Pagamalie faasaga I le sui tauva manumalo o lea lava vaega faaupufai le afioga ia Tuuu Agasii Leota
•    Falealili No. 2 – tuu atu le tagi a le sui o le FAST ia Veletaloola Fuimaono Lotomua Avauli faasaga I le sui tauva manualo a le HRPP ia Fuimaono Te’o Samuelu Atiifale
•    Aleipata Itupa I Lalo – tuu atu le tagi a le sui o le HRPP ia Tafua Maluelue Tafua faasaga I le sui tauva manumalo a lea lava vaega faaupufai ia Fiu Galu Eteuati Eteuati
•    Anoamaa No. 2 – tuu atu le tagi a le sui o le FAST le afioga ia Toomata Nora Leota faasaga I le sui tauva manumalo o le HRPP ia Lauofo Fonotoe Pierre Lauofo
•    Faasaleleaga No. 1 – tuu atu le tagi a le sui o le HRPP, le sa avea ma minisita o Tupe, Sili Epa Tuioti faasaga I le sui tamaitai manumalo a le FAST ia Matamua Seumanu Vasati Sili Pulufana
•    Faasaleleaga No. 2 – tuu atu le tagi a le sui o le HRPP, Gatoloaifa’ana Amataga Gidlow faasaga I le sui tauva manumalo a le FAST Magele Sekati Feaui
•    Faasaleleaga No. 3 – tuu atu le tagi a le sui o le HRPP Namulaulu Papalii Sami Leota faasaga I le sui tauva manumalo a le FAST ia Papalii Li’o Oloipola Taeumasepa’u
•    Gagaemauga No. 1 – tuu atu le tagi a le sui o le HRPP ia Laufou Alofipo Faamanū Manase faasaga I le asui tutoatasi lea ua avea ma sui o le FAST ia Tuala Tevaga Iosefo Ponifasio
•    Gagaifomauga No. 2 – tuu atu le tagi a le sui o le HRPP Sooalo Mene faasaga I le sui tauva manumalo a le FAST Vaele Paiaaua Iona Paiaaua Sekuini
•    Vaisigano No. 1 – tuu atu le tagi a le sa avea ma Minisita o Faatoaga ma Faigafaiva, o le sui o le HRPP Lopaoo Natanielu Mu’a faasaga I le sui tauva manumalo a le FAST Niuava Eti Malolo.
•    Falealupo – tuu atu le tagi a le sui o le FAST Fuiono Tenina Crichton faasaga I le sui tauva manumalo a le HRPP le afioga Leota Aeau Tima Leavai.
•    Salega No. 1 – tagi a le taitai o le vaega faaupufai a le Tautua Samoa Afualo Wood Uti Salele faasaga I le sui tauva manumalo a le FAST ia Fepuleai Faasavalu Faimata Su’a
•    Palauli No. 1 – tuu atu le tagi a le sui o le Tautua Samoa ia Tupai Avala Savaiinaea faasaga I le sui tauva manumalo a le FAST le afioga mulipola Anerosa Ale Molioo