E silia ma le 12 tausaga lea ua faamaonia e le faamasinoga na faasese ma gaoia ai e le tina ia Bernadette Watene le matagaluega a le Social Development.
O Novema o le 2008 lea na amata faasese ai e lea tina ta’utinoga na tala penefiti ai, ma faato’ā maua i le 2020 ma i su’esu’ega a le matagaluega e $221,103 peimeni na totogi atu iai.
O le tula’i ai i luma o le Faamasinoga Faaitumalo i Hamilton ananafi, e lei avea talaaga faigata o lona ola tuputupu a’e e fai ma mafuaaga o le lē tuuina atu i le falepuipui e tusa ma faai’uga a le faamasino.
E 54 tausaga o le tina ma i le taimi nei o loo ia vaaia lana fanau e to’afitu e aofia ai ma le pepe e 10 vaiaso le matua, ma o tamaiti nei ua faatonuina e le faamasinoga lona toalua muamua faapea lana fanau matutua e vaaia a o tuli ai le faasalaga o Bernadette.
E 26 masina lea ua faafalepuipui ai le tina.
Puna o Faamatalaga: Benefit fraudster Bernadette Watene stole $221k from MSD over 12 years – NZ Herald
