Faaaoga e le ‘au gāoi le piriota ole Kerisimasi e gaoi ai se faletupe i Siamani. 

Ua fa’aaoga e le ‘au gāoi le piriota lenei o le Kerisimasi ma aso fiafia e gaoia ai se tasi o faletupe i Siamani. Ua lipotia mai a itiiiti pe a ma le 10 miliona euro ua aveesea mai ai atoa ma meatotino tāua a nai tagata sa teuina i pusa teu oloa a le faletupe pei ona faamaonia mai e leoleo. Fai ma na vili ni pu e le au gaoi i puipui ole faletupe ma gaoia ai le tele o pusa teu oloa ma se vaega tele o seleni. O le tele o faleoloa ma faletupe e tapuni i le vaitau o aso malolo ma o le avanoa tonu lea ua fa’aaoga e le ‘au gāoi e faatino ai lea gaioiga i le afiafi a o lumanai le Kerisimasi, 24 o Tesema ae faato’a iloa e leoleo le mea ua tupu i le aso 29, le Aso Gafua o le vaiaso nei. Faailoa le lē fiafia tele […]

Faasolo atu i le aso lona tolu solo tete’e i Iran ona o le maualalo o le malosi o le latou tālā. 

Ua faasolo atu i le tolu o aso o faia pea solo tete’e ma faailoa le lē fiafia o tagata i le tulaga o le tupe a le atunuu ma le siitia maualuga o le tau o oloa e amata mai i le laumua o le atunuu o Tehran agai i isi aai. O solo tete’e na amata i le Aso Sa ina ua maitauina le matua’i pa’ū maualalo o le tupe Iran faatusa i le tālā Amerika i le maketi. Na i’u ina fa’aaoga ai e leoleo kasa faatagimata (tear gas) e faata’ape ai le toatele o le ‘au tete’e ma faailoa ai e le faigamalo e mafai ona o latou faalogo ma le toto’a i tete’e ma ua faatonu foi e le Peresetene o Masoud Pezeshkian le Minisita e feagai ma le mataupu lea ina ia faatulaga ni talanoaga e faia ma le ‘au tete’e ma ia faatino vave loa. O tamaiti aoga i Iunivesite o isi o loo toatele ai le ‘au tetee ma ua agiga  fo’i isi o faamatalaga le manuia ua faia faasaga i le peresetene ma le faigamalo. […]

Sauni le lalolagi e faafeiloai le tausaga fou 2026 

Ua sauni Ausetalia ma le lalolagi i le faamanatuina ole taunuu poo le aulia manuia o le Tausaga Fou 2026 i ni nai itula. Ua maitauina i Sini Niu Sa Uelese le tumutumu o faleoloa i faatauga, matāfaga ua faatumulia i tafaoga a aiga aemaise Ekalesia. O le tala o le tau lava e masani ona fua iai le tele o fuafuaga   faafeiloaia ole tausaga fou. Ua tau mālū le tau i Sini, mālū foi Melepone ma isi faaitu sei vagana ai Kuiniselani o loo lolovaia isi faaitu. Taua e le va’aitau e iai nai timu e toulu i se taimi ae o le a mātele lava ina lagi lelei le agai atu i le tausaga fou. Tele aiga o loo fai tausaga fou faatasi ma o loo taula’i faafiafiaga ma le faamanatuina ole tausaga fou i le faaaliga tele o mea faapāpā ma molī emoemo i le Harbour Bridge i Sini i le po ananei.