Liliu le Tai – Siamupini le Manu Samoa i le Ipu a le Pasefika 2022 

Ua mati’e le tulai mai o le Manu Samoa ina ua latou sapai nei le Ipu o le Siamupini i le taamilosaga o le lakapi iuni mo ‘au a le Pasefika, le Pacific Nation Cup 2022. O le aoauli ananafi, Aso Toonai i laufanua o Fiti, i le malae i Churchill Park i le aai o Lautoka, na faia ai lenei taaloga mo le su’eina o le Ipu autu i le va o le Manu Samoa ma le ‘au malosi a Fiti, le Vodafone Flying Fijians. O ‘ai o lenei taaloga mata’ina e 23 le Manu Samoa i le 20 a le Vodafone Flying Fijians. E mata’ina le i’uga ua oo i ai lenei taamilosaga auā o se taimi muamua lenei talu ona amata mai lenei taamilosaga, ua laga ai le to’ilalo o le Manu […]