E iai tagata sa galulue i le faigāpalota o le a lē maua se faamanuiaga i le alauni e avea ai o se faasalaga, e pei ona faailoa e le Komesina o faigāpalota e māfua i le faataga lea ona palota o tagata e 20, i le aso o le palota muamua le Aso Lulu lea ua mavae.
Na faamaonia mai e le Komesina o faigāpaota o le faasalaga i le taofi o le alauni ona ua lē usita’ia le faatonuga, ua na o tagata ua talia talosaga ma lesitala i le palota muamua.
O se falepalota i le itumalo o A’ana sa tula’i mai ai lea tulaga.
