I le faamuta ai o le faamatuu atu o vaegatupe o le poloketi miliona i le atina’e o le manuia o nuu ma afio’aga o itumalo faapalota e 51 o le atunuu, o lea ua faailoa e le vaega o feagai ma lea poloketi a le malo i le matāgaluega o tinā ma tama’ita’i atina’e o afio’aga ma agafesoota’i, ua 3 miliona 200 afe tālā le vaegatupe ua maua e le itumalo i totonu o le 4 tausaga talu ona faagasolo lea taumafaiga o le atina’e o Samoa.
O le miliona lona 3 lea ua faamuta faafuase’i ai tufatufaga o vaegatupe ina ua toe foi le atunuu e faia lana palota tele ina ua teena le tala o le tupe a le malo i le masina o Me, ua faailoa e le Ofisa Sili lagolago o le matāgaluega o loo iai le vaaia o le poloketi le tofa Unasa Viane, ua 48 itumalo faapalota ua mae’a sainia maliega mo vaegatupe o le miliona lona tolu.
Le tifa Unasa Viane o le Ofisa Sili lagolago o loo faauluulu i le vaega o loo faagaioia le poloketi o le miliona tālā.
