O loo sa’ilia e leoleo i Hamilton le fesoasoani mai soo se tasi o silafia se faamatalaga i le teineitiiti 14 tausaga le matua lea na lipotia mai le leiloa ananafi pe tusa o le ‘afa o le 4pm i le afiafi.
Ta’ua e se sooupu a leoleo, o le teine talavou o Nicola, ae iloa tele i lona igoa o Paige, o le vaaiga mulimuli ia te ia ina ua oso i luga i se pasi i Hukanui Rd pe tusa o le ‘afa o le 11am i le taeao ananafi.
O loo popole leoleo aemaise si ona aiga i le saogalemu o lenei teineitiiti ma e talitonu leoleo, atonu o loo iai pea Nicola i se vaimea i totonu lava o Hamilton.
O loo faatalosaga mai leoleo, a iai se tasi o silafia soo se faamatalaga e ono fesoasoani ia latou sa’iliga mo lenei teine talavou, ina ia vave ona faafesoota’i atu le ofisa o leoleo.
Puna o Faamatalaga: https://www.newstalkzb.co.nz/news/national/missing-persons-14-year-old-girl-missing-from-hamilton/
