O le faaauau ai pea o galuega a le malo i ana auaunaga tuma’oti e pei o le kamupani vaa o le Pacific Forum Line poo le PFL, o lea ua tauaao nei e le Malo e ala i le Palemia ma le Minisita o Tupe o le malo tausi faapea le Minisita o Faalapotopotoga Tuma’oti a le Malo, le siaki e 12 miliona tālā o le dividend poo se vaegatupe mai polofiti a lea kamupani vaa ua tuuina atu mo galuega fai a le malo.
O lea 12 miliona tālā sa mafai ona maua ma avea ma dividend e tuuina atu i le malo mai galuega a le Pacific Forum Line o le tausaga e 2021 se’ia oo i le tausaga e 2024.
Ua ausia ai le aofa’iga e 24 miliona tālā o tupe totogi o le dividend i le malo a lea kamupani vaa ma ua faaalia ai i se pepa o faamatalaga, o se tasi lea o tulaga lelei ua ausia i le faagaioia o lea kamupani.
