Ua faalauiloa nei e le kamupani vaa o le Pacific Forum Line Limited poo le PFL o loo lauiloa ai, le tuuina atu o lona sao tau tupe o se dividend auā galuega faatino a le Malo.

E 12 miliona tala le sao tau tupe na tauaao atu e le Minisita o Galuega Tetele, Felauaiga o loo vaaia foi le kamupani vaa a Samoa le tofa Olo Afoa Fiti Vaai, i le Minisita o Tupe le afioga Lautimuia Uelese Vaai.

Sa auai foi i le tuuina atu o lea sao tau tupe le ta’ita’ifono o le komiti faatonu o le PFL, o se tasi o Faatonu ma le tamaitai Ofisa Sili o le kamupani.

O sao tau tupe o nisi o faalapotopotoga tuma’oti a le Malo e aofia ai ma le kamupani vaa o le Pacific Forum Line o loo lagolago i le Malo i ana fuafuaga tau tupe mo le faagaioia o galuega o le atina’e lautele o le atunuu.

O ni finagalo o le Minisita o Galuega Tetele o loo iai ma le vaaia o le kamupani vaa o le Pacific Forum Line le tofa Olo Afoa Fiti Vaai ma le Minisita o Tupe le afioga Lautimuia Uelese Vaai.

Na maua se finagalo o le ta’ita’ifono o le Komiti Faatonu o le pulega o le PFL e faamanino ai le 12 miliona o le sao tau tupe o le kamupani ua tuuina atu i le Malo.

Le ta’ita’ifono o le komiti Faatonu o le pulega o le Pacific Forum Line, afioga Tupuola Oloialii Koki Tuala.