E selau tala le pepa tala oloa mo na o taumafa ae sā taputapu se sikaleti ma se avamalosi e faatau ai, ua tapena e le matagaluega o leoleo, falepuipui ma le toe fuata’ina pe a faafoi atu i leoleo fana poo laau malosi o loo umia faasolitulafono e lo tatou atunuu.
O le masina fou lenei o Aokuso ua amata ai le polokalame a le matagaluega o le aoina mai o laau malosi e faasā ona faaulufale i Samoa ma fana e faataga ae o loo umia i se tulaga e lei laiseneina.
O le ta’ita’i o le Malo le tamaitai Palemia, o le Sui Minisita o le matagaluega o leoleo, falepuipui ma le toe fuata’ina na saunoa e faalauiloa aloa’ia le amatalia o lea taumafaiga a leoleo.
Le afioga Fiame Dr Naomi Mataafa o le Palemia ma le Sui Minisita o le matagaluega o leoleo, falepuipui ma le toe fuata’ina.
