Ua mafai nei e tagata Maori ona filifili poo le a le lola palota e lesitala ai a o lei faia le palota tele ia Oketopa.
O le mae’a ai ona sui o le tulafono i le tausaga talu ai, ua iai nei le filifiliga e mafai ai ona lesitala, a lē o le lola palota o loo iai igoa o isi uma tagata Niu Sila lea e ta’ua o le general roll poo le lola o loo iai na o igoa o tagata Maori, le Maori roll.
O le uluai suiga lenei talu mai le tausaga e 1975, ma o le tele o pepa faalauiloa o lenei suiga e tusa lea ma le ‘afa miliona o le a amata tufatufaina atu i tua mai le aso a taeao.
Ae na faapea mai se tasi o faiaoga i le iunivesite a Victoria Dr Annie Te One, o le toatele o tagata e le iloa poo le ā le uiga a o aafiaga foi o le suiga ua iai nei ma e moomia ai le aoao o tagata Maori.
O se suiga ua faia e taofiofia ai le taufaasese e nisi o tagata o le system, e ui na fai mai le komisi o faigapalota i le tausaga talu ai e le o iai ni faamaoniga na tupu i isi palota ua uma.
A o mafai ai la ona toe sui e amata mai le asō, ae faamuta lenei saolotoga i le toe tolu masina a o lei faia le palota i le aso 14 o Oketopa.
