Ua faailoa alofaaga ma faaaloaloga a le Tupu o Peretania, o Salesa i le tuumalo o le Tupu o Maoli, King Tuheitia i le taeao analeila.
Lipotia i le One News le faamatalaga a Tupu Salesa o ia ma le Masiofo ia Camilla ua matuā lagona le faanoanoa i le tuumalo o le Tupu o Maoli ma ia saunoa ai ua pa’ū se tasi o laau malosi o le Totora ma e fiafia i le avanoa sa iloa ai King Tuheitia mai tausaga e tele ua tuanai.
E tele taimi sa feiloa’i ai le faauluuluga o le aiga tupu a Peretania ma Kingi Tuheitia ma feiloa’i foi i le tausaga na te’a nei i Buckingham Palace ina ua asiasi atu i Peretania.
Sa faailoa foi se faamatalaga mai le Kovana Sili o Niu Sila o Dame Cindy Kiro ma ia ta’ua ai o le a ia teuina pea taimi tāua o le la mafutaga ma le Tupu o Maoli.
E 69 tausaga o le soifua o King Tuheitia ua tuumalo ai.
Puna o Faamatalaga: https://www.1news.co.nz/2024/08/30/king-charles-profoundly-saddened-by-kingi-tuheitias-death/
