O tulafono o le a tuu ai le malosiaga ia i latou na saofia mai sauaga i totonu o aiga, ina ia vave ai ona foia ni mafutaga e sauaina ai, ua fuafua e pasia i le aso ile lagolago a itu uma.

O le pili ua faaigoaina “Ashley’s Law” o le a mafai ai e i latou ia o survivors ona talosaga mo se poloaiga mai le faamasinoga e faaleaogaina ai se faaipoipoga ma ona tuutuuga ile taimi lava e maua ane ai e latou se poloaiga faaiu tau le puipuiga.

O le taimi nei i lalo o le system o loo iai e manaomia se ulugalii poo se paaga foi ina ia nofo valavala mo le lua tausaga faatoa mafai ai ona faia lea talosaga peitai la afai e pasia le pili lea o lona uiga o le a faavave ona maua se fesoasoani.

Fai mai le faipule o le Leipa o loo taulamua i lea taumafaiga Deborah Russell o le lelei o le tulafono lea ole maua ai o le avanoa e agai ese ai tagata aafia mai ni mafutaga e feagai ai ma ni mafatiaga poo sauaga foi.

O se taimi o le aso ua fuafua e faagasolo ai le faitauga mulimuli o le pili lea, le Family Proceedings Amendment Bill.

Puna o Faamatalaga: https://www.rnz.co.nz/news/national/530882/mps-united-on-divorce-law-change