Search
Search
Photo Credit: RNZ

Toe faaleleia masini e totogi ai le utuina o penisini ma tiso i pamu penisini 

O lea ua toe ola masini e totogi ai le utuina o penisini ma tiso a tagata i pamu penisini. 

E silia ma le 10 itula o pepē masini nei e totogi ai le utuina o taavale, e mafua mai i le faaletonu o le  polokalame faatekonolosi poo le software ona e lei faapolokalameina iai le aso 29 o Fepuari. 

O le Allied Petroleum, Gull, Z, Waitomo, BP ma isi lala e totogi i fafo i le pamu le utuina o taavale, lea na aafia uma i le aso ananafi, ma e lei faigofie i le toatele o avetaavale lea na afea ia pamu ona e leai ni tagata faigaluega e mafai ona fesoasoani. 

E latalata i le itula e 7 anapo ae faamaonia mai loa ua toe faaleleia. 

E leai se mea na mafai e pamu penisini ona fai i le aso ananafi, peitai e na o le lipoti ma faatalitali i le pulega o loo gafa ma nei masini.

Na faamalulu le pamu penisini a le Gull i le po anapo i ana paaga na aafia ma o le a latou faimeaalofa foi e ala i se pa’ū  poo le Discount Day i le vaiaso fou e faapaleni ai le faaletonu o ananafi.

Tala sili ona faitaulia

SAMOA UPDATE

PODCAST

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required