Mai galuega masani a le Matagaluega o Leoleo i le puiapuia o le atunuu atoa i aafiaga o le umia o fualaau faasāina, e iai nisi na taofia mai i le faaiuga o le vaiaso na se’i mavae atu nei.
O le sailiga o fualaau faasāina i le maketi o i’a i Savalalo, ma e toalima (5) ni alii na taofia mai ai i lo latou umiaina o fualaau faasāina.
O nei alii e aofia ai se alii; 40 tausaga o Vailele ma Lefagaoalii, o se alii 23 tausaga o Lepea, o le isi e 47 tausaga o Salelavalu, o le tasi e 44 tausaga o Vaiusu ma le alii e 24 tausaga o Manono.
O sikareti mariuana ma se tinoitupe e silia ma le $300 tala na maua i ia alii.
E lē o toe natia le faatupulaia o fualaau ma laau faasāina o loo molia atu ai le toatele o tagata o le atunuu i lenei vaitau.
Ua taofia uma i latou seia aulia le aso 9 o Aperila 2024 mo le valaauina i luma o le faamasinoga.
