Talu ona amata i se tulaga faataitai poo se trial malaga tai fitu aso mo tagata mai Samoa Tutoatasi e fia ulufale i le teritori o Amerika Samoa, ua faailoa i se lipoti a le faletelevise o le KVZKTV i le teritori, e 84 le aofaiga o tagata na malaga atu mai Apia ae o le toafā mai lea aofaiga e lei usitaia aiaiga o le malaga fitu aso e aunoa ma se pemita.
O le toa valusefulu na usiusitai ma toe taliu mai i Samoa i totonu o le fitu aso.
O le fono o le Atoa o Samoa sa usuia i Apia i le masina o Oketopa na faamautu ai i le va o Malo e lua le tatala o malaga fitu aso e aunoa ma se pemita i se tulaga faataitai.
