Ua faailoa mai e le teutupe mo le setete o Niu Sa Uelese o le tala faatatau o le tupe a le setete e iai ona lu’itau tetele ma o le a faigata foi ona alofia nisi o tulaga e aofia ai ma le mataupu e faatatau i le puipuiga mai osofaiga i luga o upega tafailagi, cyber security lea o le a leai se vaegatupe o faaagaga iai mo le faatupeina mo le lua tausaga.
I le mae’a o le osofaia e le premier o le setete ua iai nei o Chris Minns o le faigamalo talu ai e faatatau i le tala faatatau o le tupe mo le Sydney Metro ma le faaletonu na alia’e i le vaiaso talu ai, ua sauni nei le teutupe o le setete Daniel Mookhey e sauni tagata palota a le setete mo se silasila i le tulaga o iai le tala o le tupe a le setete.
Na ia faailoa i le asō e faigata faaiuga ua faia ma o le a manaomia foi ona faia i le tulaga o iai nei le setete ae sa fai foi le latou folafolaga i le taimi o le faigapalota o le tulaga o le a iai aitalafu a le setete o le a le sili atu nai lo le tulaga na iai a o tulai mai le faigamalo a le soofaatasi lea na se’i mavae atu nei.
