O le taeao nei lea ua aumai ai le faai’uga a le alii faamasino o le Faamasinoga Faaitumalo, Judge Leota Raymond Schuster, ua teena ai le talosaga lea a Tiumalumatua sa tauala atu i lana loia, Defence Counsel Fuimaono Sefo Ainuu.

O le teena ai o le talosaga Tiumalu o lona uiga o le a faatulaga loa le aso e toe valaau ai lenei mataupu ma faaauau ai loa ona valaau molimau mo lenei faamasinoga e pei ona mua’i faatulaga ai.

E pei ona silafia, o le mataupu lenei o loo molia ai le susuga Tiumalu i le moliaga o le faia o tala taufaaleaga agai i nisi o le sui o le vaega faaupufai a le Faatuatua i le Atua Samoa ua Tasi, poo le vaega ua tu malo i le taimi nei.

E lei faamautinoa mai le taimi nei le aso tonu o le a faagasolo ai loa lenei faamasinoga.