Tatala le faleaoga fou mo le Aoga Lalomauga

E 6 potu aoga, o le faletusi, potu e tolu mo faiaoga ma le puleaoga ma fale lē ta’ua e 4 lea ua maea fausiaina mo le Aoga Laiti a Lalomauga.

O le vaiaso nei lea na tatala aloaia ai lenei galuega lea na faatupeina e le Malo o Amerika. Taua e le Sui o le Malo Amerika i Samoa Jonathan Lee Yoo “ o lenei galuega na tauala mai i ni faasoa i le va o le sui o Amerika ma le Matagaluega o Aoga Taaloga ma Aganuu ina ua o latou fesiligia poo a ni vaega e mafai ona o latou fesoasoani ai i aoga i Samoa”

E $399,000 tala Amerika le tau aofai o lenei faleaoga ma o se vaega o polokalame fesoasoani a lea malo e fesoasoani ai e le gata i Aoga, o 
faalapotopotoga ma Ofisa i totonu o le atunuu.

dfa672f0 38b0 4710 a593 adcebcaccc96 - Radio Samoa

Ua maea ona faatotoga nisi o vaega o lenei faleaoga, e pei o le eletise, o ili i luga le faalo (ceiling fans) faatasi ai ma se storage room.

I lalo o lea polokalame fesoasoani a le Malo o Amerika ( US Department of Defense’s Oversease Humanitarian, Disaster and Civic Aid Fund) na faatupeina foi le falema’i faapitoa i Faleolo , o le faleaoga a Asaga, 
ae le gata i lea o nisi o aoga i le itumalo Safata faapea le Aoga tulagalua a Magiagi.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required