O le nofoaga mo le faia o tui puipui o le koviti, le drive through covid vaccination centre I le Trusts Arena I West Auckland faatasi ai ma le North Shore Airport drive through I Dairy Flat lea ua tapunia nei pei ona faailoa I lipoti mai le Stuff.
O le nofoaga lea I le Trusts Arena sa faatautaia e le Whanau o Waipareira ma sa faia ai tui puipui pe a ma le 40 afe I le silia ma le masina na tatala ai peitai ua faailoa ua toe logoina tagata sa faatonu tui puipui e faia I lea nofoaga ina ia toe faia bookings I isi vaega o loo tatala ona o le a tapunia le nofoaga.
Fai mai se faamatalaga a I latou na feagai ma le nofoaga lea ua faia le faaiuga aua ua maea ona faatino le tele o le galuega sa manaomia ona faia I lea faaitu o le atunuu ma sa faia faapitoa foi I le taimi na matuai tele ai le manaoga mo le faia vave o tui puipui.
O loo tatala pea leisi nofoaga faapea e faia ai tui puipui I Henderson ma ua faailoa e mafai lava ona faatonu pe book appointments e le gata I GPs, mobile clinics aemaise f
oi o nofoaga ua faatulaga I ekalesia ma aoga.
