O se faigamalaga a le Qantas i le po o le Aso Gafua ua lipota mai na faamalosia ona tapē le afi o le vaalele ae lei leva ona agai ese mai le malaevaalele o Tullamarine i Melepone i le ‘afa o le 8pm mo le agai atu i Perth.
Fai mai le 9News ina ua latalata atu i Perth na faalogoina e pasese se pa’ō leotele ane, fai mai se sooupu a le Qantas sa iai se faaletonu na aafia ai le afi o le vaalele a o i luga o le ea.
Na mulimulitai pailate i tulaga ua faatonuina mo ni tulaga faapea e ono tulai mai ma faatalosagaina ai le vave tulaueleele loa.
Fai mai na tulaueleele saogalemu i Perth ma aveesea uma mai le pasese e leai se tasi na aafia.
O loo galulue inisinia i le sailia o le mafuaaga o le faaletonu.
