O le Aso Lua o lenei vaiaso sa faia ai le feiloa’iga masani a tusitala ma le ta’ita’ifono o le komiti faufautua a le malo mo galuega lavea’i ma fesoasoani i taimi o faalavelave faafuase’i matuiā lea e aofia ai ma le Pule Sili o le faalapotopotoga o le malosi faaeletise.
Na faailoa ai e le faauluuluga o lea auaunaga a le malo, le toe sologa lelei o le maua o le eletise i le motu o Upolu talu mai le Aso Lua ua mavae sa amata ai ona faaola afi eletise lisi e lima.
Na faailoa ai foi e Faumui Iese Toimoana le tapenaga autū ua faataoto mo le toe faaleleia atili o le auaunaga a le faalapotopotoga i le tulaga o le eletise maua mo le atunuu atoa.
Le Pule Sili o le faalapotopotoga o le malosi tau eletise, afioga Faumui Iese Toimoana.
