E tulaga ese lipoti o loo tulai mai I totonu o Afghanistan I le aso e pei ona lipotia le taumafai o le vaega a le Taliban e poloka tagata mai le agai atu I faigamalaga o rescue flights e agai ese ai mai Kabul.
O loo lipotia le tafana ane o tagata ma le tauai ane o pomu kasa ao taumafai tagata e agai I vaalele laveai.
Ua iai lipoti o nisi ua maliliu ao taumafai atu foi vaegaau a Amerika e tau taofiofi le vevesi ae o loo lipotia le finau pea o tagata ia maua ni avanoa I vaalele.
E toa 12 tagata na faamauina na maliliu talu mai le aso sa mafua ina ua aafia i manuaga mai fana pe solia foi e tagata I le taimi ao tumutumu solo mo le sailia o se fesoasoani.
O le aso lea sa fetauaina e taunuu ai le vaalele a le vaega o le puipuiga a niusila I le malae vaalele faavaomalo I Kabul mo le aveesea mai o tagata Niu Sila o loo iai I Afghanistan.
O loo faatalia nei seisi lipoti lata mai mai lea atunuu atoa ai ma le galuega laveai a le vaega o le puipuiga a niusila mo le toe faafoiina mai o ona tagatanuu I fanua.
