Search
Search

Talimalo Ausetalia i nisi o sui maualuluga o le  atunuu

I faamatalaga a le Ofisa o le Hai Komesina o Ausetalia i Samoa na faaalia ai le talimalo o le atunuu ia Samoa ma ona sui.  

O lea faigamalaga na auai atu i se fonotaga faaletausaga o atunuu e lua (Senior Official Talks), ma i lea fonotaga e faasoa ai pea auala e saga unaia ai le galulue faatasi o atunuu e lua, faapea le faamalosia o itu e foia ai ni faafitauli e alia’e mai. 

E lē gata i lea ae o le saga faamausili o le faigapaaga ina ia mafai ona la ausia faamoemoega ua mae’a faataatia.  

Na māua i faamatalaga, i le faatautaia ai o lea fonotaga na fefaasoaai ai manatu i le faigapaaga a Samoa ma Ausetalia e aofia ai le itu e galulue faatasi ai i le Atu Pasefika, faapea foi le lalolagi. 

Na talanoaina foi avanoa mo ni galuega tetele (infrastructure), o avanoa o tagata faigaluega (labour mobility) ma avanoa tau atina’e.  

O sui o Samoa na auai i lea fonotaga tāua e aofia ai le afioga i le Ofisa Sili o le Matagaluega o le Va i Fafo, Peseta Noumea Simi, Ofisa Sili o le Matagaluega a le Palemia ma le Kapeneta, Agafili Tomaimano Shem Leo, Ofisa Sili o le Matagaluega o Tupe, Saoleititi Maeva Betham-Vaai. 

Na auai atu ai foi le Komesina o Leoleo, Falepuipui ma le Toefuata’iga, Auapaau Logoitino Filipo ma le afioga i le Hai Komesina o Samoa i Ausetalia, Hinauri Petana.  

O sui o le malo o Ausetalia na faatasi atu i lea fonotaga e aofia ai le Sui Failautusi ma le Faauluuluga o le Ofisa o le Pasefika o loo i le Matagaluga o le Va i Fafo a Ausetalia Elizabeth Peak, faapea le Sui Failautusi Lagolago o le Vaega o Fesoasoani o le Atu Polenisia, ma Micronesia faapea itu tau Atinae (First Assistant Secretary Polynesia, Micronesia and Development Division), Mark Tattersall, ma le Afioga i le Hai Komesina o Ausetalia i Samoa ia Will Robinson. 

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required