Tiatia Graeme Tualaulelei & Savalenoa Mareva Bentham Annandale
Tiatia Graeme Tualaulelei & Savalenoa Mareva Bentham Annandale

Tālia ni finagalo tusitusia a sui sinia o le malo ua faamālōlō lē tumau

O le Aso Faraile nei e tatau ona oo atu ai i le Kapeneta ni finagalo tusitusia a le Loia Sili a le Mālō ma le Failautusi o le Fono Aoao Faitulafono  ua faamalolo lē tumau mo le 2 vaiaso.

 O le feiloaiga a Tusitala ma le Tamaitai Palemia le afioga Fiame Naomi Mataafa i le maea o le fono a le Kapeneta i le ogatotonu o ke vaiaso na ia faamanino ai le faaiuga na faailoa mai i le vaiaso na te’a nei i le tuanai ona faamalolo lē tumau o ia faauluuluga sinia i le Aso Faraile ua mavae.

O le Loia Sili ma le Failautusi o le Fono ua fesiligia lo la faatuatuaina e le Palemia ma le faigamalo ua iai nei i le faatinoga o la tiute ona o tulaga ma tulai mai na mafua ai ona tuuina atu e le vaega faaupufai a le FAST le talosaga i le faamasinoga a’o le’i aloaia lea vaega faaupufai e avea ma faigamalo fou.

O le manaoga a le FAST ina ia molia ia tulaga tofi o auaunaga a le Mālō i le solitulafono o le faalēmigao, o le lē ava ma le lē faaaloalo i le faamasinoga ina ua faia le poloaiga e logo i latou e tatau ona logo e tauaofia le Palemene i le Aso 24 o Me 2021.

Taua e Fiame “ e lelei a le tatou o pea i mea o loo tulai mai mo le toalua la lea e faamalolo lē tumau, o le tele a o le faavae o le mafuaaga ona o tulaga foi lea o le faatuatuaina (confidence) ona o lea ua tutupu e le’o se mea na fuafuaina e sesi e o o tupu a’o le mea ua tupu aemaise o tofiga taua o le Mālō lea iai matafaioi ma tiute o Ofisa nei”.

Na ia taua foi “E iai foi se vaaiga a le Mālō ona o mea ua tutupu e faigata tele ona faaauau le matou galulue faatasi, e le’o se tulaga la ua matou faapea atu e leaga poo ua lē lelei le galuega ae o le mea ia a sola loa le faatuatuaga aemaise tofiga faapea e faigata tele ona faatino aemaise o lea e iai le mataupu luma o le faamasinoga le contempt of court lea na ave e le FAST i le faamasinoga ma o lea e tā’ua ai suafa o Ofisa ia o le Mālō”.

O nei finagalo tusitusia a sua sinia nei a le malo e faao’o atu le tusi a le Loia Sili i le tamaitai Palemia ma le Kapeneta ae o le tusi a le Failautusi o le Foni Aoao e tatau ona faao’o atu i le Fofoga Fetalai.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required