Midlemore Hospital

Tala aupito lata mai mai le faamasinoga

O le vaiaso nei na toe tulai ai ile faamasinoga se alii e 58 tausaga mai aukilani I saute ina ua toe suia ona moliaga sa iai muamua o le faaoolima faamoemoeina, ile fasioti tagata. Taua e le Herald I ana lipoti ile aso e le o iai sana tali ile moliaga fou lea ae na tulai I luma o le faamasinoga faaitumalo I manukau faaaoga ai fesootaiga i videos.

Toe aveese e leoleo le moliaga na iai muamua e pei ona faailoa ile lipoti ae sui iai le moliaga fou lea o le fasioti tagata ma o loo taofia le faailoaina o le suafa o le ua molia seia oo I leisi taimi e toe tulai ai ile faamasinoga maualuga i Aukilani.

O le faalavelave lea na valaau ane ai le fesoasoani faavavave ise fale o se tama e 69 tausaga mai Magele I sasae ile aso 24 o Oketopa, na maua atu ai o manu’a tigaina e foliga na faaoolima iai seisi, o le vaiaso nei na maliu ai ile falemai i Middlemore.

I isi foi tala mai le faamasinoga ua mafai nei ona le tagata lona lua ua molia ile faalavelave na aafia ai se talavou na momoli ane ile falemai I middlemore e iai manuaga tuga. O Ita Faataape 31 tausaga o loo tetee I moliaga e tusa o le faalavelave na uma ai le soifua o Misiona Talafu Petelo ile faalavelave na tupu ile masina na tea nei i Magele.

O leisi la ua molia ile mataupu lea pei ona faailoa ele Herald o Cordon Femitiai Vailoa Esera o Manurewa lea foi o loo lipotia o loo tetee i moliaga. O loo taua I le lipoti na faailoa e leoleo ile taimi na maea ai ona tupu le faalavelave lea I Magele na agai atu ai alii e toalua ia ma faailoa i laua I leoleo.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required