Suipi Joseph Parker i le la feiloaiga lona lua ma Derek Chisora

Ua i’u manuia le fusuaga a le alii fusu Samoa ia Lupesoliai Laauliolemalietoa Joseph Parker lea na toe feiloai ai ma le alii o Derek Chisora i le aoauli nei.

O lenei fusuaga na faia i Manchester i Egelani ma e toatele i latou ma molimauina. Na vaaia le finau o le alii o Parker ona o se fusuaga faigata tele, ma tuu mai ai le faaiuga a faamasino i le maea ai o taamailosaga e 12 le manumalo i le alii o Parker.

E pei ona silafia o le masina o Me o le tausaga nei na feiloai muamua ai Parker ma Chisora lea na eseese ai faaiuga a faamasino ma tuu atu ai le manumalo ia Parker, o le taaloga i le asō o le toe feiloai poo le rematch ma o loo tumau pea le manumalo i le alii fusu a le atunuu.

Na faaali le fiafia tele o le alii faiaoga a Joseph Parker ia Andy Lee i le faaiuga ma faapea e ui e tele ni mea sese o le taaloga peitai o ni vaega e mafai ona galulue ai mo nisi faipelega i le lumanai. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required