O loo su’e e leoleo ma le Air Force le vaa fealua’i i le sami e talitonu o loo iai le tusa ma le 700 kilokalama o methamphetamine.
O su’esu’ega nei ua faia ona o le popolega o leoleo faapea le Air Force i le saogalemu o tagata o loo i luga o le vaa ma o gatai ane lava o Northland lea e su’e ai.
Ua sau ai i le mae’a molia o le to’asefulu i le amataga o le vaiaso lenei ona o le taumafai e aumai i totonu o le atunuu fualaau faasāina, ma o i latou nei mai Northland ma Aukilani.
O lea foi na maua ai ma le $130,000 tupe pepa, laau malosi, telefoni satelite e lua, ma le tele o telefoni feavea’i.
O loo faaauau pea nei su’esu’ega ma e ono faaopoopo moliaga o i latou ua taofia ma molia nei.
Puna o Faamatalaga: Search for small boat believed to be carrying 700kg of meth
