E amata atu ile aso 25 o Mati ona siitia le tau e totogi e tagata e iai visa le tumau I nofoaga e faanofoesea ai.
O se lipoti I le newstalkzb o loo faailoa ai lea faamatalaga e faapea e silia ma le 2 afe o le a siitia ai.
O le taimi nei e $3,100 o loo totogi e I latou ia mo le 14 aso o loo faanofoesea ai peitai la o lea ua faailoa mai e $5520 o le a siitia iai mo le tagata e toatasi ise potu, $2,990 mo seisi tagata matua e faaopoopo iai ma le $1610 mo se tamaititi e faaopopo atu iai.
O nei suiga e aofia ai tagata o loo iai i visa tulisi e pei o paaga a tagata sitiseni pe nofomau foi I Niu Sila, o I latou o loo iai visa aoga, visa faigaluega ma limited visas.
I se pepa o faamatalaga mai le MIQ ua faailoa ai o le siitaga lea e ui o loo totogi lea e faanofoesea ai e ui o loo totogi e le malo nisi o tupe. O lona uiga la o I latou e iai visa le tumau ua maea ona book pe faatonu foi potu I nofoaga faanofoesea amata atu I le aso 25 o Mati o le a aofia ai I le pili fou lea.
O loo iai le avanoa e waive ai pe alofia le totogiina o ia totogi pe a o iai ise tulaga faigata tau tupe pe o ni tulaga faapitoa e mafai ona faataga e le Matagaluega o Pisinisi ma Galuega
