Fai mai le sui palemia Grant Robertson ua vave tele ona talanoa le mataupu e faatatau i avanoa e faaaoga ai le traffic light system ae lei oo le atunuu ina ausia faamoemoega mo le taula’iga o loo agai iai le faia o tui puipui.

O le system o loo fuafua e ausia loa le 90 pasene o tagata e faia tui puipui ona amata faamamalu lea ma  o Aukilani e ono muamua faaaoga lea faiga pe a ausia uma e pulega o falemai faaitumalo le 90 pasene.

Fai mai Robertson e ui ole a toe iloilo le tulaga lea i le lima vaiaso o muamua , o le a taula’i pea le silasila i fuainumera oloo faatulaga mai. O le manatu o le sui palemia o le 90 pasene e mafai lava ona ausia ma e mafai foi ona faatino ma e loto tele o le a ausia lea tulaga.