Ua mana’omia e le Tupu o Peretania o Salesa sina taimi itiiti i le maota gasegase i le vaiaso nei ina ua lipotia le faalogoina o aafiaga o togafitiga sa faia o lona gasegase o le kanesa e pei ona ta’ua i se lipoti mai Buckingham Palace.

O King Charles poo Salesa ua 76 tausaga o lona soifua ma ua faalēaogāina nisi o fuafuaga sa faatulaga e auai ai ona o lea mafuaaga e pei ona ta’ua ma ua faaoo ai foi lana faamaliega i ē sa fuafua latou te mafuta i ia feiloa’iga e aofia ai ma le tuuina ane o faailoga taualoa o nisi o Amepasa mai atunuu e tolu, ma sa fuafua e faataunuu lea feiloa’iga i le vaiaso nei.

O le faamatalaga mai le aigatupu ua ta’ua ai e tatau ona faaavanoa sina taimi e fesoota’i ai King Charles ma ana foma’i ma o loo tumau pea foi se tasi o fuafuaga e faimalaga ai ma Kuini Camilla i Italia i le masina fou lea ua feta’ua’ina ai ma le feiloai atu ia Pope Francis i le Vatikano.

Puna o Faamatalaga: https://edition.cnn.com/2025/03/27/uk/king-charles-cancer-treatment-latam-intl-gbr/index.html