E iai lipoti ua agiga i le NZ Herald ma isi ofisa faasalalau ua feta’ua’ina ai le iai o le fuafuaga a le sui kapeteni o le All Blacks, Ardie Savea e auai i le Moana Pasifika.
Fai mai le ZB o loo iai nei le alii taalo i se vaega faai’u o fetuuna’iga i lana konekarate ma le NZ Rugby e aofia ai ma se faatalanoaga o le ono faaopoopo atu o le konekarate seia mae’a le Ipu o le Lalolagi i le 2027 ma le ‘au a le Super Rugby o le a taalo ai.
Ua lipotia e ui o loo iai pea lana konekarate ma le NZ Rugby seia mae’a le 2025 peitai o loo lipotia foi o loo iai se vaega o lea konekarate o loo mafai ai ona agai i se isi kalapu e ese mai i le Hurricanes pe a toe foi atu mai lana sabbatical i le Kobe Steelers a Iapani.
E ui la e lē o iai se faamaoniga i le taimi nei o lea gaioiga e agai ai le alii taalo i le Moana peitai o loo faatalitalia le toe foi ane o le All Blacks i le taaloga ma Fiti i San Diego, e folasia ai e Savea se faai’uga i lea mataupu.
Puna o Faamatalaga: https://www.newstalkzb.co.nz/news/sport/all-blacks-vice-captain-ardie-savea-set-to-switch-super-rugby-teams-to-join-moana-pasifika
