Ua saunoa James Marape le Palemia o PNG, e mana’omia e lana faigamalo le malosi o le numera o tagata palota ina ia faaoo ai nisi o tulafono autū i le Palemene.

Fai mai Marape o loo fuafua le malo i nisi fetuuna’iga fou i le tulafono i auaunaga lautele, le faigamalo faalotoifale ma le vaega o faamasinoga.

Fai mai le Palemia o le a mana’omia le faia o nisi o suiga i le faavae ma e mana’omia ai e lana soofaatasi le lagolago a lē itiiti ifo i le 89 o faipule mai faipule e 118 o le Palemene.

Na ia faailoa i le faatalanoaga i le courier post e mana’omia e le malo le numera poo le ausia o le aofa’i e mafai ai ona faatumauina le malosi’aga ae lē gata i lea ina ia faapasia ai tulafono, o se matafaioi tāua lea a sui uma o le Palemene.

O loo iai foi se fuafuaga e toe suia le faavae o le atunuu ona e iai sootaga i le tofia o le Palemia, pe manana’o Papua e faaauau pea i le faiga o loo iai i le taimi nei poo le fai sa’o o le palota a tagata mo le sailia ai o se Palemia.

Puna o Faamatalaga: https://www.rnz.co.nz/international/pacific-news/534404/png-leader-james-marape-calls-for-strong-parliamentary-support-to-pass-major-reforms