Ua oo atu lava i se tulaga lē lelei le va o Initia ma Pakistan ona o osofa’iga ua faia a itu uma e lua talu ona tula’i mai le faalavelave na tupu talu ai na maliliu ai tulisi ma tagata tafafao i Kashmir.
O le faamatalaga ia a Initia ua ta’ua ai o le latou osofa’iga sa taula’i sa’o lava i nofoaga e talitonuina o loo faamautū ai le au faatupu faalavelave.
Fai mai le militeli a Pakistan, e to’a 31 tagata ua maliliu i osofa’iga a Initia ae to’a 12 tagata Initia ua maliliu i le tali atu a Pakistan ia latou foi osofa’iga.
Ua folafola foi e le minisita o le puipuiga a Pakistan o le a aga’i a latou osofa’iga na o nofoaga tau militeli i Initia.
Na ta’ua e le CNN o le to’atele o Initia e iai i le talitonuga Hindu ae o le Mosalemi e to’atele ai Pakistan ma e taufai iai uma a la aiā i Kashmir ma ua tele foi taimi ua fetaua’i ai ona o lea lava ogaeleele i Kashmir.
Pau le tulaga ua manino mai i le tali a Pakistan, o le a lē tuumāmāina foi osofa’iga a Initia ma o le a tali atu iai.
Puna o Faamatalaga: https://edition.cnn.com/world/live-news/india-pakistan-attack-kashmir-tourists-intl-hnk
