Ua poloaia e le loia sili a le malo tele o Amerika, William Bar e suesue i le Tulafono tuuaiga e le I sa’o ona faia le faigapalota a le malo tele

O lea ua savalia le 4 o aso talu ona sau I tua fuainumera o palota ua maea faitau o loo silia ai le sui o le Democrat Joe Biden ia Donald Trump, ma e le o taliaina e Trump lea faaiuga

I se pepa o faamatalaga o le faatonuga a le loia sili, o suesuega o le a faatinoina i setete taitasi o le a faamausali ai pe faamaonia tuuaiga a le alii peresetene o loo I le fale paepae I le taimi nei, ma afai ae faamaonia e ono suia ai faaiuga o palota a setete taitasi.

Ae mo suesuega o le a le aafia ai le faaiuga ua taatia mai I le taimi nei, o le a tolopo lona aloaiaina seia uma suesuega ma le faitauga aloaia

O loo taua foi e le loia sili, ao ave ai Ie faataua I le iloiloina o tuuaiga ma le taimi e suesue ai, e faataua foi le faia o mea uma ma le amiotonu

O Barr o se tasi lea o sui na ia faaalia I le tausaga e 2009 e le talitonuina palota ta-lafo I le pusa meli.

E tatau ona oo atu I le 8 o le masina o I luma ua maea soalaupule tagi o le faigapalota, e aofia ai le faitauga aloaia ma finauga I le faamasinoga, a’o lei oo lea I le aso 14 e aloaia ai le faaiuga o le faigapalota ma talia ai loa le faatautoga o le peresetene lona 46 a Amerika ilea so 20 o Ianuari 2021