I le motu o Norfolk o loo faaauau pea le la finauga ma le faigamalo a Ausetalia ae ua faailoa i le vaiaso nei o le isi tagata na atoa iai le to’atolu o tagata na filifilia atu i le tausaga na te’a nei e auai ai i le komiti filifilia e puleaina le atumotu, ua faamavae.

O Alma Davidson ua ia tusia se tusi faalaua’itele ma faailoa ai sona lagona sa ia manatu o le tulaga sa iai sa talitonu e ono ausia ai ituaiga pulega talafeagai mo le motu.

Faailoa e le RNZ o le 8 tausaga talu ai sa faaaofia ane ai Norfolk Island i le faigamalo a Ausetalia ma sa afua ai se lē fiafia o nisi i lea motu ma oo ai a latou faitioga i Malo Aufaatasi faapea le faamasinoga faavaomalo, International Court of Justice, mo le finau mo so latou tuto’atasi.

O le 2016 na tofia atu ai se administrator mai Canberra e vaaia le motu ma faatū ai ma le komiti filifilia lea e to’atolu ona sui ae lei leva ona iai lea komiti ina ua tuua’ia e Canberra i se mataupu tau tupe i le motu.

O le faamavae o Alma o se tasi o sui o le komiti filifilia ona o lona manatu e tatau lava ona faamautū ane e Canberra poo le ā tonu le sootaga o latou, le Norfolk Island ma le malo o Ausetalia.

Puna o Faamatalaga: https://www.rnz.co.nz/international/pacific-news/534301/norfolk-island-official-resigns-in-protest-at-canberra-governance-decision