Ua pasia le faitauga lona lua o le pili mo le sitiseni a Samoa e toe maua ai le avanoa e sitiseni ai se kulupu o tagata Samoa i Niu Sila ma ua faailoa e le vaega faaupufai a le Green o se isi laasaga i luma i amiotonu a le Pasefika.
O le faipule o le Green Teanau Tuiono na folasia le pili lea o le Restoring Citizenship Removed by Citizenship Act 1982 ma ua pasia ai lona faitauga lona lua i le Palemene i le taeao analeila.
Na lagolagoina le pili lea e pati uma e aofia ai ma le National.
O se tasi o aiaiga o le pili o loo lagolagoina e le National e aofia ai o i latou na soifua ane i le va o le 1924-1949 i Samoa o le a ofoina iai le sitiseni ae lē aofia ai tagata e tutupu mai ia i latou.
Fai mai Tuiono ua faailoga foi ii se isi laasaga i luma o lenei faamoemoe pe ā ma le 25 afe i latou na faailoa ai finagalo, pe ā ma le ‘afa o lea fuainumera, e mai tagata i Samoa.
Puna o Faamatalaga: https://www.rnz.co.nz/international/pacific-news/531771/samoa-citizenship-bill-passes-second-reading
