E toatolu tama talavou e aofia ai se isi e na o le 13 tausaga le matua, ua molia e leoleo i le osofaia o se tamaitai ma faia ni gaioiga taufamata’u i le Central Coast i Niu Sa Uelese.
E talitonu leoleo o le tamaitai e 42 tausaga na taofi lana taavale i le pito o le alatele i Toukley i le aoauli ananafi poo le ta o le 1 ae agai ane iai talavou ia e toatolu ma faafefe i se agaese ma faatonu e agai mai i fafo ma le taavale.
E lei afaina le tamaitai peitai na sosola ese le toatolu lea i lana taavale ma lavea ai i se isi magāala ina ua sosoa atu ai se taavale o le ituaiga o le Holden.
Na sosola ese i latou nei mai lea nofoaga, na mafai ona tuliloa ma pu’e e leoleo i se fale i Toukley i le aoauli lava o le aso ananafi.
O le matutua e 13,14 ma le 15 tausaga ma ua molia uma i latou ia e toatolu. O le alii aupito i laititi o loo molia foi i le avetaavale ae leai se laisene.
O le aso na tutulai ai i le faamasinoga o tamaiti ma e lei mafai ona tatalaina i tua i le po anapo.
Puna o Faamatalaga: https://www.9news.com.au/national/toukley-teen-boys-charged-after-allegedly-carjacking-woman-at-knifepoint-in-nsw/e0ab944d-549b-4739-88a3-ea117fefee07
