E 31 tausaga o se alii mai Wanganui ua feta’ua’ina lona osofa’ia o le taifau a leoleo i Aukilani Tutotonu i le aso ananafi.

Fai mai e lē tasi se moliaga o feagai ma lea alii ae o le faamatalaga mai le Satini Sinia o Dave Plunket ua taua’ia o le tagata lea ua faalēaogā lona laisene avetaavale ma sa sola ese ma leoleo ma ia osofa’ia ai ma le taifau e pei ona ta’ua.

Fai mai le televise tasi pe ā ma le 20 minute i le vaveao ananafi na tupu ai le faalavelave lea ina ua faailo atu leoleo i le tagata lea e taofi lana taavale i Aukilani Tutotonu ma vaaia e leoleo le lavevea ane ai o isi taavale sa paka i le alatele i Mt Albert ma Avondale i le alu a lea taavale, na lavea i railway lines i St Georges Rd ma taumafai ai le avetaavale e sola peitai na maua e leoleo.

O le taimi lea na pu’e ai e leoleo sa ia osofa’ia ai le taifau, fai mai sa titina ma toeitiiti faaletonu ai le taifau pe ana lē vave ane leoleo.

Na ave atu lea alii e fai togafitiga i le falema’i ae ave foi le ta’ifau mo togafitiga ma o le asō la e tula’i ai le tagata lea i le faamasinoga i Aukilani.

O moliaga o le faaoolima i leoleo, tetee atu i leoleo, avetaavale mata’utia, faamanu’alia o se ta’ifau a leoleo, avetaavale a o faalēaogāina le laisene ma le tuuina o tagata faigaluega i trains i se tulaga lamatia ona o ana gaioiga.

Puna o Faamatalaga: https://www.1news.co.nz/2024/09/23/man-charged-after-allegedly-choking-police-dog-in-auckland/