O le faa’onaina o le tea a se tinā i se taumafaiga e manatu leoleo sa taumafai ai se alii e faaoo le oti i lea tinā, ua molia ai nei se alii mai Sini.

O le masina talu ai na gasegase tigaina ai le tinā lea e 66 tausaga le matua mai le faaitu o Campbelltown i le mae’a ona ia inuina le ti, e manatu leoleo sa saunia ane e le alii lea e iloa e le tinā.

O ananafi na aga’i ai leoleo i le fale i St Andrews ma pu’e mai ai le tagata lea e 61 tausaga ma aveesea mai ai ma se fagu e faaaogā e tapē ai iniseti ma ua ave mo su’esu’ega.

Na molia ai le 61 tausaga lea i moliaga o le taumafai e faa’ona se tagata ma le faamoemoe e fasioti.

E lei mafai ona tatalaina i tua ma o le asō e tula’i ai i le faamasinoga.

Puna o Faamatalaga: https://www.9news.com.au/national/man-charged-with-poisoning-womans-tea-campbelltown-region-nsw/c5a3d2aa-a949-4615-8c51-87d4d918139b