Maua e leoleo le tino o le tagata i totonu o le taavale na mu i Hastings i le po o le Aso Lua.
O le te’a o le valu i le po o le Aso Lua lea na lipotia ai i le ofisa o leoleo ma o le aso ananafi na faaauau ai suesuega i le nofoaga na mu ai le taavale ma maua ai le tino.
O loo faasolo suesuega a leoleo i le taimi nei, ma ua sau ai ma le tala o le a faaauau pea ona vaaia e tagata o loo nonofo i Sunderland Drive ma Irongate Road West leoleo i le vaiaso nei ma faasolo atu i le vaiaso a sau.
O le maua ai o le tino maliu i totonu o le taavale ua mu, ua toe sau ai ma lipoti e tai tutusa lelei ma le taavale lea foi na susunu ai le tino o Ariki Rigby i Havelock North i le 2022, lea lava e lei molia se isi i lea mataupu.
