O le mataupu e aofia ai se kulupu e lagolagoina e le malo o Saina, o latou ia o loo faia osofaiga i upega tafailagi i networks i Ausetalia e pei ona faailoa e le Federal Government i le vaiaso nei.

Fai mai le ofisa o Ausetalia o feagai ma suesuega o le mataupu lenei le ASD Australian Signals Directorate o loo galulue faatasi ma paaga a le Five Eyes, e aofia ai Amerika, Niu Sila, Kanata ma Peretania e mata’itū gaioiga a le kulupu lea o le APT40 lea e lagolago iai le malo o Saina.

Fai mai le ASD ua leva ona faatino le tulaga lea e le kulupu lea ia Ausetalia.

E lei faailoaina mai e le Faigamalo a le Feterale i latou o loo aafia ai ae o se isi faataitaiga na o latou faailoa o le gaoia lea e le APT40 o le faitau selau o usernames ma passwords mai se kamupani Ausetalia i le masina o Aperila 2022.

O loo faaauau pea la ona mata’itū lea kulupu.

Puna o Faamatalaga: https://www.9news.com.au/national/hacker-group-backed-by-chinese-government-targets-australia-networks/f05bc05c-c706-4a39-ad1c-30af2d5de9db