Ua lipotia e tigaina manu’a o le tagata na aafia i se faalavelave na feto’ai ai se train la’uoloa ma se loli lapisi i le itu i Matu o Stratford i Taranaki i le taeao analeila.
O le vaega o fesoasoani faavavave na tali atu i le faalavelave lea i le fetaula’iga ala i le State Highway 3 a o lei tāina le 7 i le taeao.
O se pepa o faamatalaga mai le sui o le KiwiRail ua ta’ua ai o le loli lapisi na feto’ai ma le train la’uoloa ae lei faamanu’alia le ave train ma ua ofoina foi le fesoasoani talafeagai.
Fai mai o le a tapunia le laina lea o feoa’iga seia mae’a suesuega.
Na faafetaia e leoleo le au faitaavale i le faaitu lea i le onosai a o faatino suesuega ae ua ta’ua e se sooupu mai le taavale a le falema’i e toatasi si tagata e manu’a tigaina na aveina atu i le falema’i i Taranaki mo togafitiga ma e lē taumate poo le avetaavale o le loli lapisi.
Puna o Faamatalaga: https://www.1news.co.nz/2024/08/28/rubbish-truck-and-train-collide-near-stratford-one-seriously-injured/
