Search
Search
Photo: Hawaii Goes Fishing

Manaomia tele tagata faigaluega mai Samoa e galulue i le kamupani o le Starkist i Pago Pago

O le masina nei na faamaonia ai le aofaiga e 500 o tagata faigaluega mai Samoa e galulue i le kamupani tuuapa i’a o le Starkist i Amerika Samoa.

O lea aofaiga o avanoa faigaluega na talosagaina e lea kamupani i le masina o Mati o le tausaga ua mavae.

Ua faailoa i le mae’a o le fono a faigamalo a Samoa e lua, e 1,222 tagatanuu o Samoa o loo galulue nei i le Starkist ae o le masina na te’a nei na faaopoopo atu ai le isi 119 tagata faigaluega mai Samoa.

Ua ave ai nei se talosaga a le Malo o Amerika Samoa i le pulega o le kamupani tuuapa i’a ina ia fausia se fale lelei e faamautu ai tagata faigaluega ma o sea fuafuaga o le a mautinoa ai le lelei o le vaaiga o le itu i le soifua maloloina ma vave ai foi ona taunuu tagata i galuega.

I le itu i tagatanuu o Samoa ua tuli faasalaga i le falepuipui i totonu o le teritori ona ua faamaonia ni moliaga faasolitulafono, o feutana’iga i le va o le ofisa o le Konesula o Samoa i Amerika Samoa ma le Matagaluega o feagai ma mataupu tau tulafono a le teritori le department of legal affairs, na aveesea ma toe faafoi mai ai i Samoa le 19 o o tatou tagata sa tuli faasalaga faafalepuipui i le tausaga na te’a nei, ae o le tausaga nei i le va o le masina o Ianuari ma Aperila e toa luasefulu tagatanuu o Samoa ua mae’a tuli faasalaga ua toe faafoi mai i lo tatou atunuu.

Tala sili ona faitaulia

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required